Mihemed Ferec Şawîs di sala 1963an de li gundê Newê yê ser bi nahiyeya Xurmal a parêzgeha Helebceyê ji dayik bûye, gundî bû, qonaxa seretayî qedandiye, ji aliyê rejîma Beis ve bi zorê bo qezaya Seyîd Sadiq hat koçberkirin, û li nava bazarên Seyîd Sadiq dikaneke şîrîniyan vekir.
Di sala 1989an de tevlî refên Pêşmerge bû di fujê Şehîd Ebûbekir Banî Benokî yê ser bi hêzên Sorên di Lîjneya Navçeyê ya Derbendîxanê de di çarçoveya Şaxa çarem a Partiya Dêmokrata Kurdistanê.
Beşdarî şerê Qacer, şerê Şanêrî, şerê Ehmed Awa, şerê Rezle, şerê Rabaya Banî Şîran li binê çiyayê Sorên, şerê çiyayê Şaram, çalakiyên şerê gerîlayî li deşta Şarezûr, çalakiyên şerê gerîlayî li nava bajarê Silêmaniyê bû, û yek ji wan Pêşmergeyan bû ku roleke berbiçav lîst bi êrîşkirina ser baregehên artêşa gel li Silêmaniyê ku bû sedema şewitandina wan.
Mihemed Ferec Şawîs di dema têkoşîna xwe de di refên Pêşmerge de sê caran birîndar bû, di sala 1982an de li gundê Banî Benokî dema êrîş kir ji bo ji nû ve kontrolkirina cih û warên rejîma Beis li binê çiyayê Sorên bi guleyan birîndar bû. Di meha Tebaxa 1983an de bi komek ji hevsengerên xwe yên Pêşmerge re ket kemîna çekdarên kirêgirtî (Cehş) yên rejîma Beis û di lingê xwe de bi guleyan birîndar bû, û di sala 1984an de bi sê hevsengerên xwe yên Pêşmerge re piştî pêkanîna çalakiyeke şerê gerîlayî li nêzîkî gundê Berdbel xwe di şikeftekê de li binê çiyayê Sorên veşartin piştî ku karîn hejmarek ji otomobîlên serbazî yên rejîma Beis bişewitînin, lê di şikeftê de di dema hebûna xwe de rastî topbarana topan hatin ku bû sedema hilweşîna wê, di encamê de Mihemed Ferec Şawîs birîndar bû û yek ji hevsengerên wî yên Pêşmerge ku Heme Seîd Jomersî bû Şehîd bûne.
Di sala 1985an de pileya Endamê Lîjneya Navçeyê ya Derbendîxanê ya ser bi Şaxa çarem a Partiya Dêmokrata Kurdistanê wergirt, û di 20ê Cotmeha 1986an de dema Mihemed Ferec Şawîs bi komek ji hevsengerên xwe yên Pêşmerge re dixwest bikeve deşta Şarezûrê, lê li nêzîkî Rabaya gundê Derdsûran li pişt gundê Ehmed Awa ketin kemîna serbazên rejîma Beis û Mihemed Ferec Şawîs Şehîd bûne, hevsengerê wî Enwer Hacî Osman jî bi giranî birîndar bû.
Çavkanî:Arşîva Desteya Ensîklopediya Partiya Dêmokrata Kurdistanê.