Muhemmed Ebdulkerîm Muhemmed nasnavê wî Heme Girêzeyî ye, sala 1951 li gundê Girêzeyê yê ser bi qezaya Seyîdsadiqê ji dayik bûye, gundnişîn bûye û mijûlî karê cotyariyê bûye, di sala 1981an de ligel birayekî xwe bi navê Heme Salih Şehîd bûne, Heme Girêzeyî piştî nesko ya Şoreşa Eylûlê awareyê welatê Îranê bûye û li nîştingeha Derbendî Dizlî nîştecih bûye, piştî vegeriyana wan bo Kurdistanê ji aliyê rejîma Beisê ve bo xwarûya Îraqê hatine raguhastin û li bajarê Dîwaniyeyê nîştecih bûne, xwedî malbat bûye û hevjîna wî navê wê Gulçîn Farûq bûye û xwedî sê kur û yek keç bûye bi navên Salar, Siware, Soran, Çinûr.
Sala 1967 bûye Pêşmerge di leqa 3 a batalyona 9 a Şehîd Dilşad de ku ser bi hêza xebata Partiya Dêmokrata Kurdistanê bûye, ku di wê demê de Şêx Muhemmed Basakî serleqê wî bûye û Fettah Axa fermandeyê batalyonê bûye, di sala 1969an de pileya serpelî di leqa xwe de wergirtiye. Sala 1974 di şerê çiyayê Sertîzê de bi giranî birîndar bûye.
Sala 1979 careke din peywendî bi Hêzên Pêşmergeyên Şoreşa Gulanê kiriye û li cem Ebdulla Axa ku ser bi hêza Hewramana Partiya Dêmokrata Kurdistanê bûye bûye Pêşmerge.
Di 4ê Îlona 1981an de piştî encamdana çalakiyekê li deşta Şarezûrê, xwestine biçin gundê Girêzeyê bo bêhnvedaneke kurt û birina hinek pêdiviyên taybet bo çiyê, lê berî ku bigihîjin gundê Girêzeyê ketine kemîna hêzekî Yekîti û rûbirûyî wan bûne di encamê de Heme Girêzeyî û Heme Salihê birayê wî Şehîd bûne.
Çavkanî:Arşîva desteya ensîklopediya Partiya Dêmokrata Kurdistanê