Dîroka Pêşmerge ji Împeratoriya Osmanî heta Îraqa îro

Ev pirtûk lêkolîneke akademîk e li ser dîroka Pêşmerge ku hêzeke sereke û girîng e li Îraqa îro, ji zimanê îngilîzî hatiye wergerandin bo ser zimanê kurdî, ji pêşgotin û kurteya lêkolînê û sê beşan pêk hatiye.

Beşa yekem a vê pirtûkê hatiye terxankirin ji bo nizma şervanên Kurd û girîngiya Pêşmerge, Pêşmerge tê wateya serbazê Kurd ê Kurdistanê Îraq.

Beşa duyem li ser paşxaneya Pêşmerge ye di navbera salên (1890-1958)an de, hêzên kurdî di Şerê Cîhanî yê Yekem de, serhildana Şêx Mehmûdê Berzencî, serhildana Şêx Seîd, Xoybûn (serhildana Araratê), destpêka nav û dengê Barzanî, serhildana hêzên Barzanî û serhildana Barzan (1943-1945), Komara Kurdistanê li Mehabadê, serpêhatî û nakokiyên dîrokî yên piştî ketina Mehabadê û Pêşmerge li Yekîtiya Sovyetê di navbera salên (1947-1958)an de dihewîne.

Beşa sêyem behsa Pêşmerge li Îraqa nû di navbera salên (1958-2003)an de dike, wek şerê Kurd - Îraq (1961-1970), têkçûna rêzên Pêşmerge, şerê duyem ê Kurd û Îraq (1974-1975), damezrandina Yekîtiyê, şerê navbera Îran û Îraq (1980-1988), Pêşmerge di dema operasyona Bagera Çolê de (1990-1991), serhildana 1991ê, şerê navxweyî yê Kurd (1995-1998), Pêşmerge di dema operasyona azadiya Îraqê di sala (2003)an de, Pêşmerge li Îraqa nû (2003-2005).