Babekir Mehmûd Huwêz sala 1927an li navçeya Pêşder ji dayik bûye, heta qonaxa seretayî xwendiye, zewicî bû, sala 1975an piştî şikestina Şoreşa Eylûlê penaberî Îranê bû, sala 1976an vegeriya Kurdistanê, sala 1988an careke din penaberî Îranê bû, û sala 1992an vegeriya Kurdistanê, sala 1993an li paytexta Brîtanya Londûnê koça dawî kir.
Sala 1961an tevlî refên hêzên Pêşmergeyên Eylûlê bû û bû endamê Komîsyona rêxistinên Sengser - Beşa Serbazî, û sala 1963an pileya fermandeyê fuj li hêza Kawa wergirt, ji sala 1967an heta sala 1970yî cîgirê fermandeyê hêza Kawa li Qeladizê bû, û ji sala 1970yî heta 1974an di Ofîsa Serbazî de xizmet kir, di heman salê de heta şikestina Şoreşa Eylûlê li ser eniya şerên çiyayê Zozik çavdêrî kir, û sala 1985an bû berpirsiyarê hêzeke taybet a ser bi Serok Mesûd Barzanî ve, û sala 1991an nûnerê Serok Mesûd Barzanî li Pêşder û Bêtwên bû.
Di gelek şer û melbendên qehremanî de beşdar bû, ji wan di sala 1968an de, ku fermandariya hêzên Pêşmergeyên ser bi hêza Kawa kir ji bo cîbicîkirina operasyonên serbazî, ku di êrîşa li ser baregeha lîwayeke Artêşa Iraqê li navçeya Kêwereş li navçeya Sengser de bû, û destkeftiyên hêzên Pêşmerge di vî şerî de gelek çekên sivik û giran bûn, ligel têkbirina pênc otomobîlên ji cureyê Cîpê fermandeyî û çar erebeyên serbazî yên ji cureyê Zîl.
Çavkanî:Arşîva Heyeta Ensîklopediya Partiya Demokrat